ESCOLA MUNICIPAL DE TEATRO DE VIGO
FORMA PARTE: ¡MATRICÚLATE!
PREINSCRICIÓN CURSO 2025-26
CONDICIÓNS PARA ACCEDER Á ESCOLA
1. Para formarse na Escola Municipal de Teatro é requisito imprescindible estar empadroado en Vigo.
2. O alumnado matriculado no curso anterior ten preferencia. O prazo de reserva de praza para estes/as alumnos/as para o seguinte curso tramítase do 2 ao 16 de xuño e o período de matriculación do 23 de xuño ao 4 de xullo de 2025.
MODALIDADES DE PREINSCRICIÓN
ENLIÑA: Pódese realizar desde a web EMMA desde o 23 de xuño ata o 5 de setembro de 2025.
PRESENCIAL: Desde o 23 de xuño ata o 31 de xullo e do 1 ao 5 de setembro de luns a venres de 11:00 h a 14:00 h
TAXAS
Os prezos que deberán pagar as persoas usuarias son os establecidos na Ordenanza fiscal reguladora dos prezos públicos das escolas municipais de música e artes escénicas.
Itinerario Dramatización: 24,75 € de mensualidade e 41 € de matrícula.
Itinerario Básico, Medio e Avanzado: 25,85 € de mensualidade e 45 € de matrícula.
Itinerario Foragrup: 11,25 € de mensualidade e 33,75 € de matrícula.
A matrícula abónase coa primeira mensualidade
SOLICITUDE EXENCIÓN DE TAXAS
Este trámite está dirixido aos membros de familias con ingresos brutos anuais per cápita inferiores a 4.500 euros. Tamén se poden acoller familias numerosas con ingresos brutos anuais per cápita inferiores a 6.780 euros.
MÁIS INFORMACIÓN
No momento de formalizar a matrícula, deberase entregar unha copia selada do documento de exención de taxa presentado no Concello
MATRÍCULA NOVO ALUMNADO
PRAZOS DA CONVOCATORIA
Martes 9 de setembro publicación lista de prerexistrados
Luns 15 de setembro realización sorteo de prazas
Do 15 ao 18 de setembro probas de acceso
Martes 24 de setembro publicación lista de admitidos por sorteo.
Do 24 ao 30 de setembro (ambos inclusive) de luns a venres de 11:00 h a 14:00 h formalización de matrícula admitidos por sorteo e solicitude de exención de taxas.
PROBA DE ACCESO
Os aspirantes que realizaron a proba de acceso e teñen a categoría de apto, deberán esperar confirmación por parte da Escola Municipal de Teatro de que hai prazas dispoñibles no seu grupo correspondente antes de formalizar a matrícula.
LISTAS DE ESPERA
Durante o mes de outubro e novembro de 2025, ás persoas en lista de espera enviaráselles un email no momento de que se produza unha baixa ou renuncia no seu itinerario.
LISTAS DEFINITIVAS CURSO 2025-26
CURSO 2025-26
COMEZO CURSO
O curso lectivo escolar acomodarase ao calendario escolar que estableza a concellería de Educación e Ordenación Universitaria para o resto de ensinos da súa competencia, coa conformidade expresa do Servizo municipal de Educación.
O curso 2025-26 comezará o mércores 1 de outubro de 2025
FORMALIZACIÓN BAIXA CURSO
As persoas que teñan previsto darse de baixa como alumno/a, calquera que sexa o motivo, deberán comunicalo por escrito á dirección do centro antes do día 25 do mes que corresponda, para proceder á anulación do recibo do mes seguinte.